من طرف بنت رداع 04.05.09 22:47
مرحبا اختي الحجاجية
مراحب اختي رداعية والنعم فيج
أنا وايد مستانسة بوجودج معانا في كرسي الاعتراف وحياج الله وعندي جم سؤال هب وايد وعساج
انا اكثر الله يحيج اختي
أتجاوبين بصج ولا تزعلين من صراحتي
تفضلي
برد على حسب
ليش ازعل
شورايج في هالاعضاء؟
- دموع الليل
- كاسر الامواج
- انسان اكثر
بس ابغي اعرف ليش اخترتي بس هذوله الأعضاء بس
كل الأعضاء في المنتدى اخوان واخوات
فيهم الخير والبركة والفائدة والفكر والتميز
مثل اللبنة ماشاء الله عليهم
كل الأعضاء يكملوا بعض
جميعا كلها فيهم الخير
وما يستغنى عنهم المنتدى
ليش ما سألتيني عنج
شورايج فيج انتي؟
انتي خبريني شنو رايج فيني
ياطيوبة
- انتي ليش ما تردين على مواضيع الاعضاء؟
هههه
تصدقي توني عرفت
ان شاء الله
برد من اول وجديد
ولاتزعلي
- ليش ماتردين على مواضيعج عقب الاعضاء يعلقون عليها؟
ارد بس اذا تذكرت
انا انسانة مش كاملة
ان شاءالله المرة الجاية طيوبة
ولا تحطي في خاطرج
- حد خطبج ورفضتيه؟ وليش ؟
سبحان الله
بجاوب
النصيب والمكتوب بلاج
ايه لانه بعضهم مش متمسك بالكتاب والسنة وانا مش مرتاحة
والبعض يدخن ويخزن
والبعض ما عنده اخلاق
والزواج مسؤاليه وحياة واستقرار مش اي واحد يدق الباب نوافق عليه ليش العجلة
انتي بتعيشي طول عمرج مع شخص لازم تختاري اللي يرضى عنه ربج ثم اهلج
وصلت المعلومة
-لو حد طلبج للزواج بس طلبه الوحيد تستقري في اليمن؟ شوالراي؟
اعيش معه اي مكان بس انه متمسك بالدين وبالخلق
ويساعدني على الطاعات والواجبات والعبادات
همي الأخرة وبس
الدنيا ماتهمني
لانها قصيرة وعمر الأنسان اقصر
فعلى الأنسان ان يستفيد من الحياة ويجعل حياته كلها لله
في طاعة وخير و بر ومساعده للمساكين والمحتاجين حتى اليتامى
وبيوت الله وكل شيء يضيعه في خير
- جم ساعة ترقدين في اليوم؟ وجم ساعة تتيلسين على المنتدى؟ ودوم أتقولين انج سرتي المطبخ
سويتي غسلتي المواعين ليش ماعندكم بشاكير أو خدم يعني ؟ وليش ؟
ههههههههه
على حسب
اذا راسي فيه جنجان تفكير انام
انا سبع او ثمان ساعات
في اربع ساعات بس في حاله الجنجان
بعدين اصحى في صلاة الفجر بعدين اواصل لين الساع ست او سبع على حسب
على حسب المواضيع اللي في بالي اسويها اقعد فيه اطول مدة
وعلى حسب مواضيع الأعضاء اللي تشدني اقعد احاول اعطيها حقها في الرد
منو قالج اني اقول دوم سرت المطبخ
مرة وحدة بس اللي انا قلت يوم انكبت الصحون فوقي
هههه
المطبخ انتي نسيتي اني بنت
واكيد بدش المطبخ
لا ماعندنا بشاكير ولا يحزنزن
الحمدلله
ما نحب الخدم
لان نحب الشيء نسويه بايدنا
ولان كثرة مشاكل الخدم مع اصحاب البويت
وانتي وين عايش ماتسمعي عن الجرائم والسوالف
والخدم مش دورهم مهم في الحياة
عادي
اذا الخدم مساكين وطيوبين جوا اصحاب البيت قاسين
و العكس صحيح
يعني الحمدلله مرتاحين
بون خدم
احلى شيء لما البنت تسوي شيء من قلبها
وتتفن فيه وتفاجىء
لأهل البيت
ياسلام
حركات
شورايج فيني؟
ما اعرفج وايد
بس وايد طيوبة
وجريئة وايد
- شو تقيميني لغاية احين ؟
ما ادري؟
سألي المدير
- ترتاحين لكثرة البنات في المنتدى ؟ وليش ؟
اكيد عادي
عاد ما ادري منو البنات في المنتدى صدق
الله هو العالم
بس اللي اعرفهن
هن اربع دموع وعروس وثلا انا
لاتزعلي مني انتي قلتي ان اتكلم بصدق وصراحة
- قبل جم فترة قلتي انج لبستي الحجاب يعني قبل كنتي بدون حجاب؟
قلت خمار مش حجاب
والحمد لله اني ملتزمة نسأل الله الثبات والأخلاص
شورايج في المنتدى؟
ممتاز وان شاء الله إلى رقي وتميز
- المواضيع زين او هب زين؟
ام تي سي او زين
هههه
الحمدلله كلها فيها خير وممتازة ورائعة
- لو تغيبي انتي عن المنتدى لا قدر الله تتوقعين يتاثر المنتدى؟
تحسسيني بالغرور وما احب هذي الصفة اعوذ بالله من الغرور
اكيد بتركه فتره بسبب انشغالي وهذا اللي بسويه عقب كرسي الأعتراف
مش بس المنتدى حتى النت فترة بس وان شاء الله برجع
لاني طلبت ان اكون بعد اخوي توفيق في الكرسي
لا عادي بيستمر معي او بدوني وووإلى الأمام والتقدم والتميز والرقي والنجاح
لان الأعضاء متميزين وناجحين وما شاء الله عليهم ماقصروا وعملوا انجازات افضل
فيهم الخير والبركة ماقصروا الله يعطيهم العافية
اللي بخلي المنتدى ناجح تعاون الأدارة والأعضاء
والصدق والصراحة والخوف من الله سبحانه وتعالى
- ليش ماتكون تعاليقج على المواضيع أكثر من نقلج وكتابتج للمواضيع؟
الصراحة كنت اول بس ما كان قصدي غلا كل خير للمنتدى جى لما طلع اني اللي اسويه خطاء
وصحيت منه الحمدلله
اكثر من المواضيع بس بدون تفكير لاني حبيت المنتدى وبس كان همي مشاركة الأخوة والأخوات
بس الحين قللت من المواضيع وصرت ارد واعلق
- أنا وااااااااايد معجبة فيج خويتي بنت حجاجي شرات اختي وانا احب الصراحه أشكرة في الوية
ماشاء الله من متى تعرفيني ؟
وانتي مثل اختي
بس مش اكثر مني ياطيوبة
في الصراحة
ويمكن سؤالاتي محرجة بس تختلف عن سؤالات الاعضاء
يعني بعض الشيء
ميبي بعد اتمنى
منج ان لاتزعلي من صراحتي
لان انتي اللي حطيتيني في هذا الشيء
من اسئلتج
دخيلج لا تزعلين وقت اي دوري على الكرسي اسالي اللي في خاطرج.
افا الله لايجيب الزعل بيني وبينج
اهم شيء لاتزعلي من ردي
فمان الله.
استودعج الله